Tragjedi: Gruaja bie aksidentalisht nga ballkoni dhe humb jetën

Një ngjarje e rëndë është shënuar mbrëmjen e djeshme në Tiranë, ku një grua 40-vjeçare ka humbur jetën si pasojë e një rënie aksidentale nga ballkoni i banesës së saj.

Sipas njoftimit zyrtar të Policisë së Tiranës, ngjarja ndodhi rreth orës 23:30 të datës 3 shtator 2025, në rrugën “Feti Gjilani”. Viktima është identifikuar si shtetasja A. S., e cila ka ndërruar jetë në vend për shkak të dëmtimeve të rënda të shkaktuara nga rënia.

“Forcat e policisë dhe grupi hetimor kanë shkuar menjëherë në vendngjarje dhe nga verifikimet paraprake dyshohet se bëhet fjalë për një rënie aksidentale,” thuhet në deklaratën e autoriteteve.

Ndërkohë, hetimet po vijojnë për të sqaruar të gjitha rrethanat e incidentit dhe për të përjashtuar çdo pistë tjetër të mundshme.

“KORÇA BOOM”