Tragjedi në rrugë: Portieri përplas për v*dekje një të moshuar që po ecte me karrocë elektrike

Një ngjarje e rëndë ka ndodhur ditën e sotme në Itali, ku një 81-vjeçar që po lëvizte me karrocë elektrike ka ndërruar jetë pas një përplasjeje me portierin e Interit, Josep Martinez. Spanjolli po udhëtonte drejt stërvitjes kur ka ndodhur aksidenti.

Sipas dëshmive të banorëve të zonës, i moshuari fillimisht po lëvizte në korsinë e rezervuar, por më pas ka devijuar majtas dhe ka dalë në rrugën kryesore, duke u përplasur me automjetin e Martinez-it, i cili ishte i pari në kalim. Një grua që po e ndiqte më pas automjetin ka dëshmuar për ngjarjen.

Dëshmitarët tregojnë se karroca elektrike e të moshuarit kishte filluar të jepte shenja defekti para daljes në rrugë, dhe nuk përjashtohet mundësia që ai të ketë pësuar një atak kardiak ose të ketë humbur kontrollin e saj.

Autoritetet lokale po vijojnë hetimet për të sqaruar të gjitha rrethanat e aksidentit, ndërsa mediat italiane e kanë bërë të ditur lajmin në mënyrë të gjerë. Ky rast ngre gjithashtu shqetësime mbi sigurinë e pajisjeve të lëvizshmërisë për personat e moshuar.

"KORCA BOOM"