Tri gola dhe tri pikë për Kastriotin – surprizë e bukur në Krujë ndaj Skënderbeut

Kastrioti- Skënderbeu 3-2

(Kapllani 34’, 37’, Hoxha 51’ / Abubakar 27’, Kacbufi 66' (aut))

Kastrioti ka shkaktuar një nga surprizat më të bukura të javës, duke mposhtur në shtëpi me rezultatin 3-2 Skënderbeun e Korçës, në një përballje plot ritëm, gola dhe emocione nga fillimi deri në fund.

Miqtë nga Korça ishin të parët që gjetën rrugën e rrjetës në minutën e 27-të, me anë të Abubakar, i cili shfrytëzoi topin e ardhur nga portjeri vendas pas pritjes së 11-m për të kaluar Skënderbeun në avantazh.

Por reagimi i Kastriotit ishte i menjëhershëm dhe i furishëm.

Vetëm pak minuta më vonë, në skenë doli sulmuesi Kapllani, që në harkun e tre minutave përmbysi gjithçka me dy gola spektakolarë, në minutat 34 dhe 37. Përvoja dhe instinkti i tij brenda zonës bënë diferencën, duke e kthyer ndeshjen në favor të vendasve.

Në pjesën e dytë, Kastrioti vijoi të luante me të njëjtin intensitet dhe në minutën e 51-të gjeti golin e tretë me anë të Hoxhës, i cili vulosi përkohësisht një fitore të merituar. Skënderbeu tentoi të reagojë në minutat e mbetura, duke shtuar presionin në zonën kundërshtare, por pa arritur të ndryshojë fatin e takimit.

Në fund, rezultati 3-2 i jep Kastriotit tre pikë shumë të rëndësishme, ndërsa i jep fund ecurisë pozitive të korçarëve. Krutanët treguan karakter, forcë dhe një shpirt të vërtetë gare, duke dëshmuar se janë një skuadër që mund të rivalizojë me çdo kundërshtar në këtë kampionat.

Trajneri i Kastriotit pas ndeshjes deklaroi se ekipi i tij po fiton identitet dhe se fitorja ndaj një kundërshtari si Skënderbeu është motiv i madh për të ardhmen. Nga ana tjetër, korçarët u shfaqën të zhgënjyer dhe pritet të analizojnë gabimet në mbrojtje që i kushtuan shtrenjtë.

"KORCA BOOM"