“Ujqërit” të frikshëm në Fier/ Apolonia në 24 vjet vetëm 1 herë e ka mundur Skënderbeun. Ja statistikat!

Nesër në orën 14:00 Apolonia pret Skënderbeun në Fier, në një ndeshje që Skënderbeu shkon vetëm për rezultat pozitiv për tu ngjitur sa më parë në superligë.

Nga ana tjetër kjo ndeshje e nesërme është si një “mace e zezë” për fierakët, pasi Skënderbeu është i frikshëm sa herë përballet me Apoloninë. Këtë e tregojnë më mirë se kushdo tjetër shifrat dhe faktet, teksa Apolonia në 24 vitet e fundit e ka mundur vetëm 1 herë Skënderbeun në “Loni Papuçiu” gjë që tregon se historia është me bardhekuqtë.

Në 7-të ndeshjet e fundit në Fier, Skënderbeu numëron 4 fitore, 2 ndeshje janë mbyllur në barazim dhe vetëm 1 herë ka fituar Apolonia. Që nga vitit 2001 dhe deri sot fierakët kanë fituar vetëm 1 herë me rezultatin 1-0 në dhjetor të vitit 2020, teksa në atë ndeshje do të shënonte Mario Gjata me 11-metërsh, futbollit që sot luan për Skënderbeun.

24 vjet me vetëm 1 fitore është një statistikë e frikshme, ndërkohë që më poshtë sjellim rezultatet e 7-të përballjeve të fundit në Fier. 

Përballjet në Fier Apolonia-Skënderbeu

21.03.2021 Apolonia-Skënderbeu 1-2

09.12.2020 Apolonia-Skënderbeu 1-0

14.02.2015 Apolonia-Skënderbeu 0-1

14.09.2014 Apolonia-Skënderbeu 0-0

17.02.2013 Apolonia-Skënderbeu 0-1

17.12.2011 Apolonia-Skënderbeu 1-5

23.12.2009 Apolonia-Skënderbeu 1-1

“KORÇA BOOM”