VOLEJ FEMRA: Klubi shumësportësh zyrtarizon Olsi Haxhillarin trajnerin e Skënderbeut
- Korca Boom
- Jun 17
- 1 min read
NJOFTIM ZYRTAR NGA KLUBI SKËNDERBEU VOLEJBOLL FEMRA
Klubi Shumësportësh Skënderbeu njofton emërimin zyrtar të Z. Olsi Haxhillari në detyrën e trajnerit të ekipit të vajzave në volejboll për sezonin e ri sportiv.
Me një përvojë të gjatë në volejboll dhe një qasje profesionale ndaj punës, trajneri Haxhillari ka nisur tashmë përgatitjet për ndërtimin e skuadrës, me objektiva të qarta për rritje cilësore dhe garuese. Projekti i ri do të fokusohet në kombinimin e talenteve vendase dhe elementëve të huaj, në funksion të forcimit të ekipit dhe përfaqësimit dinjitoz në kampionatin kombëtar.
Vizioni i klubit për sezonet në vijim është i qartë: ndërtimi i një strukture të qëndrueshme, mbështetur në punë afatgjatë, zhvillimin e brezit të ri dhe përfshirjen e eksperiencës ndërkombëtare, me synimin për të qenë gjithmonë mes më të mirëve në skenën kombëtare.
Ftojmë tifozët tanë të mrekullueshëm, që gjithmonë kanë qenë forca shtytëse e këtij klubi, të vazhdojnë të na mbështesin me të njëjtin pasion dhe besim, sepse së bashku mund të arrijmë çdo objektiv.
Skënderbeu është më shumë se një emër – është traditë, pasion dhe përkushtim.
Me respekt,
Klubi Shumësportësh SKËNDERBEU
“Skënderbeu është Skënderbeu”
“KORÇA BOOM”



















