VOLEJ FEMRA/ Skënderbeu bie ndaj Pogradecit. "Leksion" pogradecar, korçareve!

Skënderbeu-Pogradeci 0-3

(18-25, 24-26, 28-30)

Skënderbeu në volejboll për femra ka bërë një prezantim jo të denjë në këto momente, teksa është mposhtur 0-3 nga Pogradeci në gjysëmfinalen e Kupës së FSHV-së. Një Pogradec për titull mund të themi në këtë sezon, teksa ka shpartalluar Skënderbeun në një ndeshje ku seti i dytë dhe i tretë mund të thuhet se ka pasur rivalitet, ndërkohë që Pogradeci gjithmonë në fund ka arritur të fitojë. Skënderbeu u dorëzua në këto momente në Farkë në një ndeshje që zgjati 1 orë e 42 minuta.

Skënderbeu në këtë mënyrë humbet gjysëmfinalen dhe duket se është një skuadër që ka probleme dhe nuk duket se është ekip që do të konkurojë për titullin kampion së sezonin e ri, pasi kjo u duk edhe në paraqitjen e sotme.

Seti i parë i ndeshjes për Kupën e FSHV-së fillon me avantazhin e pogradecareve 2-4, ndërkohë që 3-5, 5-7, janë dieferenca të njëpanjëshme me dy pikë diferencë. Skënderbeu përpiqet të afrohet duke ngushtuar diferencën e pikëve me vetëm një pikë, në rezultatin 11-12, 13-14 dhe pas këtij momenti miket vënë “diktatin” në parket. 14-20 është diferenca e fitores në këtë set, pasi kjo shkëputje është e madhe dhe më tej 15-22, 17-23 dhe përfundimit 18-25 dhe 0-1 me sete për Pogradecin.

Seti i dytë i ndeshjes flet për Skënderbeun në start që kryeson 3-0, ndërkohë që pogradecaret barazojnë rezultatin në 5-5. Më tej ka sërish barazime të njëpasnjëshme 8-8, 12-12, 16-16, ndërkohë që asnjë skuadër nuk lejon tjetrën të shkëputet. 19-21 përpiqet të kalojë në avantazh Pogradeci, ndërkohë që në rezultatin 22-24 Skënderbeu shënon edhe dy pikë të tjera duke barazuar rezultatin në 24-24. Dy pikët e fundit i shënon Pogradeci dhe përfundimit 24-26 dhe 0-2 për liqenoret.

Seti i tretë fillon me barazime 1-1, 2-2, 4-4 dhe Skënderbeu kalon në avantazhin 7-6, ndërkohë që shifrat barazohen në parket në pikët 10-10. Miket marrin kryesimin 10-13, duke shënuar tre pikë radhazi. Skënderbeu sërish ngushton diferencën në 12-13., por liqenoret ruajnë ritmin dhe diferenca prej 3 pikësh rikthehet sërish në shifrat 13-16. Më tej shifrat shkojnë, 15-18, 16-20, ndërkohë që Skënderbeu ngushton diferencën e pikëve në 19-20. Më tej 21-22, 22-24 dhe Skënderbeu nuk dorëzohet teksa barazon sërish rezultatin në 24-24, duke u dashur pikët shtesë për fitoren. Por përsëri 25-25 dhe 26-26 duke e bërë këtë set dramatik dhe të bukur deri në fund. Sërish 27-27, 28-28 dhe nuk ka fund ky set. Më në fundi 28-30 për Pogradecin që fiton edhe këtë set.

Përfundimisht një 0-3 e pastër e Pogradecit duke mposhtur lehtësisht në një fitore historike Skënderbeun. Kjo tregon qartë se vajzat bardhekuqe do të kenë probleme këtë sezon dhe sigurisht që nuk do të jenë kaq dinjitoze sa Pogradeci që ka hedhur kandidaturën e madhe për titullin kampion.

Në fund të ndeshjes ka pasur festë te Pogradeci që për herë të parë në histori mposht kaq pastër Skënderbeun me 3 sete të fituara, kundrejt asnjë të Skënderbeut.

“KORÇA BOOM”