Volejbolli në Korçë/ Një rrugëtim 55-vjeçar drejt kujtimit

Vitet mund të kalojnë shpejt, por kur pas vetes lë një histori të lavdishme, ajo vetëm rritet në vlerë. Kështu ka ndodhur me ekipin e volejbollit të Skënderbeut dhe lojtarët e tij të paharruar.

Në këtë fotografi është fiksuar një moment i artë nga vitet 1970 - pra, plot 55 vjet më parë. Një kohë e largët, por jo e harruar. Sepse emrat e këtyre sportistëve jetojnë ende sot, jo vetëm në statistika apo arkiva, por në kujtesën dhe respektin e gjithë atyre që i panë, i duartrokitën dhe u frymëzuan prej tyre.

Këta ishin kampionët që mbajtën gjallë frymën sportive të një qyteti të tërë:

Kiko Krëku, Thoma Spaho, Gjergji Kotelli, Dhimitraq Sterjo, Petrika Suxho, Piro Demiri, Mishel Terezi, Piro Prifti, Aleko Kondili, Thoma Gjylameti.

Emra që mbeten si një gur themeli në historinë e volejbollit korçar. Ata rikthehen sot në kujtesën tonë, si atëherë kur shumë prej nesh ishim fëmijë - me të njëjtin emocion dhe krenari.

 “KORÇA BOOM”