Vra*ja në MALIQ/ Konflikti që nisi për një xhirim gomash makine, zbardhen detaje nga vra*ja e 14-vjeçarit; çfarë filmuan kamerat e sigurisë

Nga dosja hetimore mësohet se disa ditë para se të ndodhte krimi autori ka shkuar me një mjet në fshatin Zvirinë dhe para lokalit të xhaxhait të viktimës ka xhiruar gomat dhe është larguar.  

Detaje të reja janë zbardhur nga vrasja e 14 vjeçarit në fshatin Pirg në Maliq.

Nga dosja hetimore mësohet se disa ditë para se të ndodhte krimi autori ka shkuar me një mjet në fshatin Zvirinë dhe para lokalit të xhaxhait të viktimës ka xhiruar gomat dhe është larguar.  

Mësohet se ditën e ngjarjes viktima Erald Xhejo, së bashku me një shok kanë shkuar në fshatin Pirg për t'u qethur në berberhane në afërsi të lokalit ku ndodhi vrasja. Ata kanë parë autorin duke kaluar me makinë dhe i kanë fishkëllyer me qëllim për t’u sqaruar.  

Ai ka ndaluar, ka dalë nga makina dhe kanë nisur në debatojnë ndërkohë që ka nxjerrë thikën. Viktima në këto kushte ka marrë një karrige nga oborri i lokalit për tu vetëmbrojtur duke e vendosur përpara trupit por teksa bënte hapa pas është penguar dhe autori në atë moment e ka goditur me thikë. E gjithë ngjarja është filmuar nga kamerat e sigurisë së lokalit.

Si ndodhi krimi në Maliq?

Ngjarja e rëndë u shënua pasditen e së enjtes (14 gusht) në ambientet e jashtme të një lokali në fshatin Pirg. Dy të rinjtë dyshohet se kanë pasur një sherr të mëparshëm dhe ishin takuar për t’u sqaruar. Në vend të sqarimit përfunduan në përleshje fizike, ku u përdor fatalisht edhe arma e ftohtë. Autori mbeti i plagosur, por jo me mjet prerës.

Ai dyshohet të ketë shkuar i armatosur me thikë në lokal dhe pas mjekimit në spital u arrestua. Policia ka sekuestruar telefonat e dy të miturve për të zbardhur shkakun e mundshëm.

Sipas policisë autori dhe viktima kanë pasur konflikt më herët mes tyre. Dy adoleshentët janë takuar për t’u sqaruar, por kanë debatuar mes tyre dhe më pas janë konfrontuar fizikisht. Viktima ka humbur jetën si pasojë e goditjeve të marra me thikë. 

Jashtë kamerave, dëshmitarët tregojnë se autori i dyshuar njihet si një adoleshent "i lëvizshëm", i cili herë pas here shkakton probleme me bashkëmoshatarët.

Personat e arrestuar për ngjarjen

Tetë persona janë arrestuar nga policia e Maliqit lidhur me ngjarjen e ndodhur pasditen e së enjtes (14-gusht), ku u vra me thikë 14-vjeçari Erald Xhejo nga bashkëmoshatari i tij në ambientet e jashtme të një lokali në fshatin Pirg. Në pranga është vënë autori 14-vjeçar, babai i tij, E. G dhe xhaxhai i tij R. G., 4 të mitur si dhe 34-vjeçari Flori Çela.

Pas kryerjes së krimit, autori i cili mbeti gjithashtu i plagosur, ka tentuar që të largohet me një automjet me 34-vjeçarin, që ishte i pranishëm kur ndodhi sherri.

Babai dhe xhaxhai i të miturit akuzohen për veprime që pengojnë të vërtetën pasi fshehën thikën me të cilën u krye krimi. Konkretisht, xhaxhai i tij ka marrë nga vendi i ngjarjes thikën me të cilën u krye vrasja, e ka larë dhe më pas e ka fshehur, duke penguar hetimet.

Ndaj autorit të mitur rëndon akuza e vrasjes me dashje dhe drejtim i automjetit në mënyrë të parregullt. 

Katër të miturit e arrestuar kanë gjithashtu të pranishëm në konflikt dhe akuzohen se kanë tentuar që të pengojnë zbulimin e së vërtetës. 34-vjeçari Flori Çela akuzohet për moskallëzim krimi./ PAMFLETI

 “KORÇA BOOM”