20-vjeçari mbante uniformën dhe stema të Policisë së Shtetit, arrestohet në flagrancë

Policia bën me dije se gjatë kontrollit janë sekuestruar uniforma policie, stema dhe grada të Policisë së Shtetit, një armë sportive dhe dokumente të dyshuara të falsifikuara.

Shërbimet e patrullës së Komisariatit Nr. 5, gjatë kontrollit në bulevardin “Nënë Tereza”, kanë konstatuar automjetin tip “Mercedes-Benz”, me drejtues shtetasin E. B., i cili ishte i veshur me uniformë dhe stema policore. Pas ndalimit dhe verifikimeve u konstatua se ai nuk ishte punonjës policie.

Gjatë kontrollit në banesën e tij, Policia sekuestruar:

• 4 dokumente identifikimi me emra dhe fotografi të dyshuara të falsifikuara;

• 1 armë sportive tip pistoletë me 2 krehra;

• Uniformë e Policisë së Shtetit;

• 16 stema dhe grada të ndryshme;

• 3 kapele me shenja të ngjashme me ato të Policisë.

  
  

Policia njofton se vijon puna për dokumentimin e plotë të rastit dhe verifikimin nëse 20-vjeçari është i implikuar edhe në veprimtari të tjera të kundërligjshme, që lidhen me përfitime nga përdorimi i uniformave dhe pajisjeve policore.

"KORCA BOOM"