25 studentë të UNIKO përfitojnë bursat e ekselencës nga fondacioni ALSAR

Sot, Fondacioni ALSAR shpërndau Bursat e Ekselencës për 25 studentë të Universitetit “Fan S. Noli” me rezultate të larta akademike.

Në takimin e organizuar në bibliotekën e Fakultetit të Edukimit dhe Filologjisë, rektori i UNIKO, prof. dr. Lorenc Ekonomi përgëzoi studentët përfitues dhe njëkohësisht vlerësoi bashkëpunimin e vazhdueshëm e të suksesshëm me Fonacionin ALSAR jo vetëm për mbështetjen e studentëve ekselentë me bursa, por edhe në organizime veprimtarish të përbashkëta, dhurime e botime librash etj.

Këtë bashkëpunim e çmoi lart edhe Drejtori Administrativ i Fondacionit ALSAR, z. Sajmir Rusheku, duke nënvizuar se mbështetja për arsimin është investimi më i mirë për të ardhmen.

Ai, njëkohësisht në emër edhe të z. Mehdi Gurra, Kryetar i Fondacionit ALSAR shprehu gatishmërinë që ky bashkëpunim me UNIKO të zgjerohet edhe më tej.

“KORÇA BOOM”