Aksident në afërsi të Maliqit, makina përplas motorin, plagoset çifti i bashkëshortëve

Një aksident ka ndodhur mëngjesin e sotëm në aksin rrugor Korçë – Pogradec, në afërsi të Maliqit, pasi një mjet përplasi një motor, ku ndodheshin një çift bashkëshortësh.

Mësohet se të dy kanë mbetur të plagosur dhe po transportohen në spital për ndihmë mjekësore.

Maliq/Informacion paraprak

Rreth orës 09:50, në aksin rrugor "Maliq-Pogradec", motomjeti me drejtues shtetasin N. M., 64 vjeç, është përplasur me automjetin me drejtues shtetasin G. J.

Si pasojë është dëmtuar drejtuesi i motomjetit dhe shtetasja F. M., që udhëtonte me të, të cilët po marrin ndihmë mjekësore në spital dhe janë jashtë rezikut për jetën.

Drejtuesi i automjetit është shoqëruar në Komisariat, për veprime të mëtejshme.

Grupi hetimor po punon për sqarimin e rrethanave të aksidentit.

“KORÇA BOOM”