Aksident në punë/ 58-vjeçari bie nga skela, arrestohet pronari i firmës

Në vijim të informacionit paraprak të dhënë ditën e djeshme, lidhur me një aksident pune ku një shtetas 58-vjeçar ra nga skela dhe ndodhet aktualisht në spital, Drejtoria Vendore e Policisë Korçë informon se:

Specialistët për Hetimin e Krimeve në Komisariatin e Policisë Korçë arrestuan në flagrancë shtetasin G. G., 61 vjeç, banues në Vloçisht, pronar i firmës ku ishte i punësuar 58-vjeçari P. S..

Gjithashtu, u proceduan në gjendje të lirë:

• E. M., 38 vjeç, me detyrë teknik i firmës;

• M. S., 48 vjeç, pronar i banesës ku po kryheshin punimet.

  
  

Nga hetimet paraprake ka rezultuar se këta shtetas kanë shkelur rregullat e sigurisë në punë, si dhe punonjësi i dëmtuar nuk ishte i siguruar në institucionet përkatëse.

“KORÇA BOOM”