Bonus mujor deri në 10 mijë lekë për çdo fëmijë/ Ja si ndryshon skema nga 2026

Pas 6 vitesh në fuqi të skemës aktuale të bonusit të bebes, qeveria po përgatit një formulë të re për mbështetjen financiare të familjeve me fëmijë.

Sipas burimeve, nga 1 janari 2026, shpërblimi për lindjet nuk do të jetë më një pagesë e vetme në momentin e lindjes, por një pagesë mujore deri në moshën 5-vjeçare të fëmijës. Shuma do të rritet në varësi të numrit të fëmijëve.

Si ndryshon skema

Fëmija i parë

• Aktualisht: 40 mijë lekë njëherësh

• Skema e re: 5,000 lekë në muaj (60 mijë lekë në vit)

• Totali për 5 vite: 300 mijë lekë

  
  

Fëmija i dytë

• Aktualisht: 80 mijë lekë

• Skema e re: 7,000 lekë në muaj (84 mijë lekë në vit)

• Totali për 5 vite: 420 mijë lekë

  
  

Fëmija i tretë dhe në vijim

• Aktualisht: 120 mijë lekë

• Skema e re: 10,000 lekë në muaj (120 mijë lekë në vit)

• Totali për 5 vite: 600 mijë lekë

  
  

Ndryshimi synon të stimulojë rritjen e lindshmërisë, pasi treguesit demografikë në vend janë në rënie.

Lindjet në rënie

Sipas të dhënave zyrtare:

• Janar–Mars 2024: 5.428 bebe

• Janar–Mars 2025: 4.662 bebe

• Diferenca: -766 bebe

  
  

Rënia e lindjeve ka reflektuar edhe në shpenzimet buxhetore.

• Janar–Qershor 2024: 900 milionë lekë për bonusin

• Janar–Qershor 2025: 500 milionë lekë

• Diferenca: -400 milionë lekë

  
  

Ekspertët paralajmërojnë se ulja e lindshmërisë, e shoqëruar me emigracionin, po ndikon negativisht në ekonominë e vendit, për shkak të mungesës së fuqisë punëtore dhe rritjes së shpejtë të moshës mesatare të popullsisë.

Skema e re synon të krijojë një mbështetje më të qëndrueshme për familjet, duke shpërndarë ndihmën financiare përgjatë 5 viteve të para të jetës së fëmijës.

"KORCA BOOM"