Burreli-Skënderbeu nesër ora 13:00/ E dini sa dekada ka Burreli që se mposht dot Skënderbeun? Mësojeni…
- Korca Boom
- Nov 22
- 1 min read
Nesër në orën 13:00 startojnë të gjitha ndeshjet e javës së 12-të të kategorisë së parë, ndërkohë që Skënderbeu në startin e kësaj faze të dytë duhet të udhëtojë për të qenë gati për transfertën e Burrelit.
Të gjithë e mbajnë mend që bardhekuqtë fituan pastër në start në ndeshjen e parë në stadiumin “Skënderbeu”, teksa e mposhtën 3-0, por nesër është histori tjetër, aq më tepër që ndeshja luhet në Burrel.
Historia e përalljeve mes Burrelit dhe Skënderbeut në Burrel nuk është shumë e madhe, pasi të paktën në 30 vitët e fundit, Skënderbeu ka udhëtuar vetëm 4 herë në Burrel.
E veçanta e përbaljeve mes këtyre dy skuadrave në Burrel është se Skënderbeu është mundur vetëm 1 herë të vetme nga Burreli dhe kjo humbje është shumë e largët, në vitin 1999. Në atë vit bardhekuqtë do të mposhteshin 4-2 nga Burreli dhe qysh prej asaj dite Skënderbeu ka barazuar dhe ka fituar.
Me pak fjalë janë 26 vite që Burreli nuk e mposht dot Skënderbeun, ndërkohë që në katër përballjet historike mes tyre në Burrel, 2 ndeshje kanë përfunduar në barazim dhe 1 herë ka fituar Skënderbeu.
Tashmë është radha nesër, ku sigurisht Skënderbeu luan për fitore edhe pse transfertat në kategorinë e parë janë gjithmonë të vështira.
4 përballjet në Burrel
04.03.2023 Burreli-Skënderbeu 0-0
20.10.2010 Burreli-Skënderbeu 2-2
27.09.2008 Burreli-Skënderbeu 0-1
20.03.1999 Burreli-Skënderbeu 4-2
“KORÇA BOOM”



















