"Do kandidoj edhe si i pavarur”/ Braçe hap garën për Tiranën

Deputeti socialist Erion Braçe ka shpallur synimin për të kandiduar për postin e kryetarit të Bashkia e Tiranës, duke dalë hapur kundër vendimit të kryeministrit Edi Rama, i cili ka përzgjedhur Ogerta Manastirliu si kandidate për zgjedhjet vendore të vitit 2027.

Gjatë një mbledhjeje të Partia Socialiste e Shqipërisë në Njësinë 5 në Tiranë, Braçe ka theksuar nevojën për ndryshim dhe një organizim më efikas brenda strukturave socialiste.

Ai u shpreh se do të kërkojë mbështetjen e socialistëve jo vetëm në këtë njësi, por në të gjithë kryeqytetin.

Deputeti paralajmëroi se, nëse nuk do të jetë kandidati zyrtar i partisë, do të hyjë në garë si kandidat i pavarur për drejtimin e bashkisë.

“Siç e kuptuat dhe vetë, kjo situatë nuk mund të vazhdojë më kështu. Problemet e socialistëve nuk po gjejnë zgjidhje dhe ka nevojë për një organizim ndryshe. Ndaj unë do të dal të kërkoj mbështetjen e socialistëve në të gjithë Tiranën dhe, nëse nuk do të jem kandidat zyrtar i PS, do të shpall kandidaturën si kandidat i pavarur për kryetar bashkie,” mësohet të ketë deklaruar Braçe.

Ky zhvillim pritet të sjellë dinamika të reja brenda Partisë Socialiste dhe në garën për drejtimin e Tiranës në zgjedhjet e ardhshme vendore.

“KORÇA BOOM”