E rëndë/ Vajza 26-vjeçare vret babanë; bashkë me nënën e raportuan si ngjarje aksidentale

Një ngjarje e rëndë është shënuar ditën e djeshme në Fier, pasi vajza ka vrarë babanë.

Sipas policsë, 26-vjeçarja Emanila Rama dyshohet se ka vrarë të atin dhe pastaj me ndihmën e nënës e kanë raportuar si ngjarje aksidentale.

Njoftimi i policisë

Si rezultat i hetimeve profesionale dhe të shpejta, të kryera nga specialistët e Seksionit për Hetimin e Krimeve të Rënda të Drejtorisë Vendore të Policisë Fier, në bashkëpunim me Prokurorinë e Fierit, pas kallëzimit të shtetases E. R., 26 vjeçe, rreth orës 23:00 të datës 23.07.2025, se babai i saj, shtetasi A. R., 56 vjeç, kishte humbur jetën aksidentalisht, në banesën e tyre, në fshatin Frashër, u finalizua operacioni “Inskenimi”.

Shërbimet e Policisë, gjatë deponimit të 26-vjeçares dhe gjatë veprimeve të para hetimore, kanë krijuar dyshim se humbja e jetës së 56-vjeçarit nuk ishte aksidentale dhe për këtë arsye kanë vijuar hetimet e thelluara.

Gjatë këtyre veprimeve të kryera në koordinim me Prokurorinë e Fierit, ka rezultuar se shtetasja E. R. ka vrarë babanë e saj, shtetasin A. R., për motive të dobëta, me mjet strangulues (mbytur me tel).

“KORÇA BOOM”