E RËNDË/ Makina përplas motorin, drejtuesi dërgohet me urgjencë në spital

Një aksident rrugor është regjistruar në aksin Lezhë–Shkodër, pranë fshatit Gocaj, ku një automjet është përplasur me një motorr, duke shkaktuar plagosjen e drejtuesit të tij.

Sipas informacioneve paraprake, motori është goditur nga pas nga automjeti, ndërsa përplasja ka qenë e fortë. Si pasojë, drejtuesi i motorrit ka mbetur i lënduar dhe është transportuar me urgjencë drejt Spitalit të Lezhës për të marrë ndihmë mjekësore.

Burime paraprake bëjnë me dije se i plagosuri ndodhet jashtë rrezikut për jetën dhe po merr trajtim në spital.

Menjëherë pas aksidentit, në vendngjarje kanë mbërritur shërbimet e policisë, të cilat kanë nisur hetimet për të zbardhur shkaqet dhe rrethanat e plota të përplasjes.

"KORÇA BOOM"