EKSKLUZIVE/ Korçarët nisin misionin e madh: Takaj ngre "flamurin" e Superiores, ja çfarë ka kërkuar presidenti...

Presidenti i klubit të Korçës, Arjan Takaj, ka zhvilluar një takim me stafin teknik dhe futbollistët e skuadrës, në prag të nisjes së sezonit të ri. Në këtë mbledhje, kreu i klubit ka kërkuar nga të gjithë angazhim maksimal, mobilizim të plotë dhe përgjegjshmëri në misionin që kanë përpara.

Takaj ka qenë i qartë në mesazhin e tij: skuadra ka vetëm një objektiv, rikthimin në Superligë. Ai ka theksuar se çdo ndeshje duhet trajtuar si finale dhe ka kërkuar përkushtim maksimal nga çdo lojtar, pavarësisht rolit në fushë apo në stolin teknik.

Presidenti nuk ka lënë pa përmendur as fanelën që mbajnë veshur futbollistët, duke u kujtuar atyre peshën e historisë së klubit dhe përgjegjësinë që vjen nga mbështetja e madhe e tifozerisë korçare, e cila vijon të qëndrojë pranë skuadrës edhe në momentet e vështira.

Ky takim vjen në një moment kur klubi po përgatitet për një sezon vendimtar, ku rikthimi në elitën e futbollit shqiptar shihet si një detyrim dhe jo thjesht si një synim.

“KORÇA BOOM”