Emanuela Rusta përzgjidhet nga FIFA për të marrë pjesë në seminarin ndërkombëtar të arbitrave qe do të gjykojnë në Kupën e Botës FIFA 2026

Emanuela Rusta, arbitre në Kategorinë Superiore të futbollit shqiptar, është përzgjedhur nga FIFA për të marrë pjesë në seminarin ndërkombëtar të arbitrave qe do të gjykojnë në Kupën e Botës FIFA 2026.

Gjatë seminarit, arbitrat do t’i nënshtrohen vlerësimeve të shumta, përfshirë njohuritë teknike, aftësitë në përdorimin e sistemit VAR, përgatitjen fizike dhe marrjen e vendimeve nën presion.

Performanca në këto testime do të jetë vendimtare për përzgjedhjen e arbitrave që mund të angazhohen në Botërorin 2026, i cili do të zhvillohet në Shtetet e Bashkuara të Amerikës, Kanada dhe Meksikë.

Përzgjedhja e Rustës konsiderohet një arritje e rëndësishme për arbitrimin shqiptar në arenën ndërkombëtare.

“KORÇA BOOM”