Ja vendndodhja ku u kap drejtuesi i grupit të drogës në operacionin “Fingerprint”

Një tjetër goditje ndaj krimit të organizuar ndërkombëtar është finalizuar me sukses në kuadër të operacionit të koduar “Fingerprint”, që është rezultat i një hetimi të përbashkët mes autoriteteve italiane dhe shqiptare.

Operacioni është zhvilluar nën drejtimin e Gjykatës së Firences, e cila ka lëshuar 12 urdhra arresti si pjesë e një dosjeje hetimore që lidhet me veprimtari kriminale në fushën e trafikimit të narkotikëve dhe organizatave kriminale transnacionale.

Sipas burimeve zyrtare, 10 nga këto urdhra janë ekzekutuar me sukses – nëntë në Itali dhe një në Shqipëri – ndërsa dy shtetas të tjerë janë shpallur në kërkim.

Në Shqipëri u arrestua shtetasi Edison Hoxha, 41 vjeç, lindur në fshatin Portëz të Fierit, i cili ishte shpallur më herët në kërkim ndërkombëtar. Ai akuzohet për përfshirje në veprimtari të paligjshme me karakter ndërkombëtar, të lidhura me trafikun e drogës dhe krimin e organizuar.

Operacioni “Fingerprint” është vlerësuar si një tjetër shembull i bashkëpunimit efektiv mes strukturave të specializuara të të dyja vendeve, në kuadër të përpjekjeve për të luftuar krimin e organizuar në nivel europian.

Hetimet janë ende në vijim, ndërkohë që priten të dhëna të mëtejshme mbi rrjetin kriminal dhe rolin konkret të personave të përfshirë në këtë skemë.

“KORÇA BOOM”