Kanabis në fshat? Policia gjen bimë të dyshuara...

Specialistët për Hetimin e Krimeve në Komisariatin e Policisë Kolonjë kanë referuar materialet në Prokurori në lidhje me një rast të dyshuar të kultivimit të bimëve narkotike. Gjatë një kontrolli rutinë të territorit, në fshatin Radovickë, u konstatuan katër bimë të dyshuara si Cannabis Sativa.

Policia bën me dije se po vijon puna për identifikimin dhe kapjen e autorit ose autorëve të mundshëm, ndërsa veprimet e mëtejshme hetimore do të ndiqen nga organi i akuzës.

Materialet procedurale i janë kaluar Prokurorisë pranë Gjykatës së Shkallës së Parë të Juridiksionit të Përgjithshëm Korçë, për vijimin e hetimeve në bazë të veprës penale “Kultivimi i bimëve narkotike”.

“KORÇA BOOM”