Lajmi i fundit: E moshuara shtyhet nga shkallët, nga vajza

Një ngjarje e rëndë ka ndodhur në Durrës, ku një 37-vjeçare dyshohet se ka shtyrë nga shkallët nënën e saj, duke e lënë të plagosur.

Sipas policisë, e moshuara ka pësuar dëmtime në këmbë dhe pasi ka marrë ndihmën mjekësore, është kthyer në banesë, jashtë rrezikut për jetën.

Ndërkohë, autorja e dyshuar është larguar menjëherë nga vendi i ngjarjes dhe aktualisht është shpallur në kërkim.

Burime bëjnë me dije se 37-vjeçarja mund të ketë probleme të shëndetit mendor, çka e bën situatën edhe më shqetësuese.

Policia vijon punën për kapjen e saj dhe zbardhjen e plotë të rrethanave të ngjarjes.

“KORÇA BOOM”