Makina u përfshi nga flakët në mes të natës në Korçë/ Dyshime për zjarrvënie të qëllimshme

Një automjet tip “Mercedes Benz” është shkrumbuar plotësisht nga flakët në orët e para të mëngjesit të sotëm në qytetin e Korçës. Ngjarja ndodhi rreth orës 02:00, kur mjeti, i parkuar në një zonë rezidenciale, u përfshi nga zjarri, duke shkaktuar dëme të konsiderueshme materiale.

Flakët u përhapën me shpejtësi, duke prekur pjesërisht edhe një automjet tjetër të parkuar pranë. Ekipet zjarrfikëse ndërhynë në kohë dhe arritën të lokalizojnë zjarrin, por makina e parë ishte tashmë totalisht e dëmtuar.

Policia ka nisur hetimet dhe po punon mbi dy pista kryesore: zjarrvënie e qëllimshme apo defekt teknik. Grupi hetimor ndodhet në terren, ndërsa në orët në vijim pritet të përcaktohet shkaku i saktë i shpërthimit të flakëve.

Autoritetet nuk raportojnë për persona të lënduar. Ndërkohë, pronari i mjetit është marrë në pyetje për të ndihmuar në zbardhjen e rrethanave të ngjarjes.

“KORÇA BOOM”