Maliq – Procedim penal për transport të paligjshëm të lëndës drusore

Specialistët për Hetimin e Krimeve në Komisariatin e Policisë Maliq kanë referuar materialet në Prokurori dhe kanë nisur procedimin penal ndaj shtetasit G. P., 30 vjeç, banues në fshatin Mesmal.

Ai u kap duke transportuar 8 metra kub lëndë drusore, e dyshuar si e prerë në kundërshtim me ligjin. Lënda drusore u sekuestrua në cilësinë e provës materiale, ndërsa hetimet vijojnë për dokumentimin e plotë të ngjarjes.

Materialet procedurale i janë kaluar Prokurorisë për veprime të mëtejshme.

“KORÇA BOOM”