Mësuesja abuzoi me dy studentë dhe u përpoq të fshinte provat

Një mësuese amerikane, Julie Rizzitello, 37 vjeçe, është dënuar me 10 vjet burg për akte seksuale me dy studentë të saj. Rasti ndodhi në gjimnazin Wall Township në New Jersey, ku Rizzitello jepte mësim.

Hetimet zbuluan se viktima e saj e parë u takua me mësuesen gjatë vitit të parë të punës në shkollë, kur ajo e ftoi për orë mësimi shtesë. Marrëdhënia e tyre seksuale zgjati midis viteve 2017 dhe 2018. Në një rast, Rizzitello dyshohet se e inkurajoi studentin të kryente marrëdhënie të pambrojtura me të në ditëlindjen e saj. Si pasojë, mësuesja mbeti shtatzënë dhe bëri abort.

Mësuesja u përfshi më pas në marrëdhënie seksuale edhe me një student tjetër, midis prillit dhe qershorit 2024, në tre vende të ndryshme: në shtëpinë e saj, në biznesin familjar dhe në makinë. Sipas prokurorisë, të dy nxënësit u punësuan nga biznesi që ajo kishte me bashkëshortin.

Gjatë hetimit, Rizzitello kontaktoi të dy nxënësit duke u kërkuar atyre të fshinin çdo provë. Ajo u arrestua në korrik 2024, pak ditë pas dorëheqjes nga pozicioni i saj si mësuese. Hetimi filloi pas një informacioni anonim nga zyrtarët e shkollës.

Rizzitello pranoi fajësinë për dy akuza për sulm seksual të shkallës së dytë. Avokatët e saj kërkuan uljen e dënimit në pesë vjet, duke përmendur rolin e saj si nënë dhe mungesën e të dhënave penale, por kjo kërkesë u refuzua. Ajo është e martuar që nga viti 2017 dhe ka dy fëmijë të vegjël.

"KORCA BOOM"