Ngjarje e rëndë në Gështenjas, aksident rrugor me të lënduar

Një aksident rrugor është regjistruar pak çaste më parë në afërsi të fshatit Gështenjas, në aksin nacional Pogradec–Korçë.

Sipas informacioneve paraprake, një person ka mbetur i lënduar si pasojë e ngjarjes dhe është transportuar me urgjencë drejt spitalit për të marrë ndihmën e nevojshme mjekësore.

Ende nuk dihen rrethanat e sakta të aksidentit, ndërsa policia ndodhet në vendngjarje dhe po punon për të zbardhur shkaqet e përplasjes. Gjendja shëndetësore e të lënduarit nuk është bërë ende e ditur.

“KORÇA BOOM”