Një tjetër aksident në Qafë Thanë, kolona të gjata dhe vonesa në qarkullim
- Korca Boom
- Jul 16
- 1 min read
Aksident rrugor në zonën e Qafë Thanës ka shkaktuar kaos në qarkullim për disa orë.
Ngjarja ka ndodhur paraditen e sotme, ku janë përfshirë një mjet i tonazhit të rëndë dhe një autoveturë.
Përplasja mes tyre ka sjellë dëme të konsiderueshme materiale, ndërsa fatmirësisht nuk raportohet për të lënduar. Ndërkohë, një tjetër kamion, gjithashtu i tonazhit të rëndë, duke u përpjekur të shmangë aksidentin, është pozicionuar në mënyrë të tillë që ka bllokuar rrugën në të dy drejtimet.
Për pasojë, qarkullimi në këtë segment të rëndësishëm është paralizuar për disa orë. Policia rrugore ka ndërhyrë dhe ka mundur të hapë vetëm një korsi për të lejuar lëvizjen e automjeteve në mënyrë të kufizuar, derisa rruga të pastrohej plotësisht.
Grupi hetimor ndodhet në vendngjarje dhe po punon për të zbardhur shkaqet e aksidentit dhe për të përcaktuar përgjegjësitë.
“KORÇA BOOM”



















