Panik në rrugën Pogradec-Tushemisht, përplasen “Benz” dhe “Audi”(Detaje nga aksidenti)

Mbrëmjen e sotme, rreth orës 21:15, në aksin rrugor Pogradec–Tushemisht, ka ndodhur një aksident rrugor ku janë përfshirë dy automjete.

Një automjet tip “Benz”, me drejtues shtetasin L. D., është përplasur me një automjet tip “Audi”, që drejtohej nga shtetasi E. H.

Si pasojë e përplasjes, kanë mbetur të dëmtuar të dy drejtuesit e mjeteve, si dhe dy pasagjerë që udhëtonin në to. Të lënduarit janë transportuar menjëherë në spital dhe ndodhen jashtë rrezikut për jetën.

Grupi hetimor ndodhet në vendngjarje dhe po punon për zbardhjen e plotë të shkaqeve dhe rrethanave të aksidentit.

“KORÇA BOOM”