Pas ndeshjes Tirana-Flamurtari, dyshime për persona të rrezikshëm të maskuar si gazetarë

Klubi i Flamurtarit ka reaguar ashpër pas incidentit të ndodhur gjatë sfidës së Superiores ndaj Tiranës, që përfundoi 1-1 në stadiumin “Selman Stërmasi”.Sipas njoftimit zyrtar, një grup personash të paidentifikuar ndërhyri në mënyrë të paligjshme ndaj administratorit të klubit vlonjat, duke e penguar të ushtronte detyrën e tij.

Klubi thekson se disa nga autorët dyshohet se ishin të kamufluar si gazetarë dhe madje mund të kenë pasur me vete armë të sofistikuara, çka e bën situatën edhe më të rrezikshme. Flamurtari falënderon drejtuesit e KF Tiranës për ndërhyrjen e shpejtë që ndihmoi në normalizimin e gjendjes.

Në deklaratën e tij, klubi vlonjat e cilëson incidentin si një akt të papranueshëm, që synon të denigrojë dhe pengojë aktivitetin sportiv të Flamurtarit, dhe paralajmëron se do të ndjekë të gjitha hapat ligjorë për zbardhjen e plotë të ngjarjes.

“KORÇA BOOM”