Pogradec/ Goditet një rast i shitjes së lëndëve narkotike

Finalizohet operacioni policor i koduar “Buçimasi”.

Goditet një rast i shitjes së lëndëve narkotike, në doza.

Arrestohet në flagrancë 1 shtetase, punohet për kapjen e djalit të saj.

Procedohet në gjendje të lirë një 21-vjeçar, pasi iu gjet një sasi lënde narkotike që dyshohet se ia kishte blerë shtetases së arrestuar.

Sekuestrohen një sasi kanabisi, 2 peshore elektronike dhe një shumë lekësh e dyshuar e përfituar nga kjo veprimtari kriminale.

Specialistët për Hetimin e Narkotikëve të DVP Korçë, në vijim të punës për parandalimin dhe goditjen e veprimtarisë kriminale të shitjes së lëndëve narkotike, organizuan dhe finalizuan operacionin policor të koduar “Buçimasi”. Në kuadër të operacionit:

-u arrestua në flagrancë shtetasja Sh. H., 64 vjeçe, banues në fshatin Buçimas;

-u shpall në kërkim djali i saj, shtetasi Xh. H., 30 vjeç, banues në fshatin Buçimas;

-nisi procedimi në gjendje të lirë për shtetasin L. T., 21 vjeç, banues në Pogradec.

Gjatë kontrollit në banesën e shtetasve Sh. H. dhe Xh. H., shërbimet e Policisë gjetën një sasi lënde të dyshuar narkotike Cannabis Sativa, që e posedonin me qëllim shitjen në doza, 2 peshore elektronike dhe një shumë lekësh.

Shtetasit L. T., gjatë kotrollit fizik, iu gjet një sasi lënde narkotike që dyshohet se ia kishte blerë 64-vjeçares.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme, për veprën penale “Prodhimi dhe shitja e narkotikëve”, kryer në bashkëpunim.