Publikimi i fotove dhe videove intime ndez hetimet: Polici 56-vjeçar në qendër të skandalit

Një ngjarje e rëndë ka tronditur qytetin e Përmetit, ku efektivi i policisë Artur Ago, 56 vjeç, dyshohet se ka pasur marrëdhënie intime me një vajzë 16-vjeçare nga Këlcyra. Rasti u bë publik përmes një postimi në rrjetet sociale, duke detyruar Drejtorinë Vendore të Policisë Gjirokastër dhe Agjencinë e Mbikëqyrjes Policore (AMP) të nisin menjëherë hetimet.

Sipas burimeve hetimore, çështja lidhet me disa video me përmbajtje intime që janë shpërndarë në mënyrë virtuale dhe kanë përfunduar në posedim të disa të rinjve, shokë të vajzës së mitur. Një adresë lokale në rrjete sociale, “Bashkësia Përmet”, publikoi foton e policit 56-vjeçar që dyshohet për lidhje me minorenen, gjë që e përshpejtoi edhe më shumë reagimin e autoriteteve.

Hetuesit dyshojnë se disa prej të rinjve që zotërojnë materialet komprometuese kanë tentuar ta shantazhojnë efektivin e policisë, duke i kërkuar para në këmbim të mospublikimit të videove. Deri më tani janë shoqëruar shtatë persona, ndërsa hetimet vijojnë për të përcaktuar me saktësi rolin e secilit individ dhe për të zbardhur plotësisht këtë rast të rëndë.

“KORÇA BOOM”