Sekuestrimi i automjeteve pa patentë: Përkohshëm apo përgjithmonë? Zbulo të vërtetën

Burime nga Ministria e Punëve të Brendshme sqarojnë rastet konkrete se kur konsiderohet se një automjet po drejtohet pa patentë shoferi, duke rikujtuar se ky veprim përbën një vepër penale.

Sipas ligjit, me urdhër të Prokurorisë Themelore Publike, MPB-ja ka të drejtë të sekuestrojë automjetin e përfshirë në shkelje të tilla. Ky sqarim vjen si përgjigje ndaj dilemave të shfaqura në rrjetet sociale për faktin nëse mjetet e sekuestruara merren përkohësisht apo përgjithmonë.

Burimi i MPB-së shpjegon se për konfiskimin e përhershëm të një automjeti është i nevojshëm një aktgjykim i plotfuqishëm gjyqësor.

Ndërkaq, nën kategorinë e drejtimit të mjetit pa patentë shoferi përfshihen:

• Shoferët që nuk kanë dhënë kurrë provimin për patentë,

• Ata që u është hequr leja përgjithmonë,

• Personat që drejtojnë mjetin gjatë kohës kur janë nën masën e ndalesës së përkohshme për drejtim të mjetit motorik.

  
  

Sipas ekspertëve, drejtimi i mjetit pa patentë shoferi jo vetëm që rrezikon sigurinë e drejtuesit të mjetit dhe të tjerëve, por përbën edhe një sfidë për rendin publik. Për këtë arsye, autoritetet shtojnë vigjilencën dhe rekomandojnë që çdo person të kryejë procedurat ligjore për patentën dhe të respektojë ndalesat e dhëna.

"KORCA BOOM"