Shqipëria: Gratë jetojnë katër vite më shumë se burrat, ja pse!

Sipas të dhënave të publikuara nga Eurostat, gratë në Shqipëri jetojnë më gjatë se burrat, me një jetëgjatësi mesatare rreth katër vite më shumë. Mesatarisht, gratë shqiptare arrijnë 82.5 vite jetë, ndërsa burrat 78.6 vite.

Raporti tregon se jetëgjatësia ndryshon edhe sipas rajoneve të vendit. Zonat jugore dhe qendrore shënojnë nivelet më të larta, me 80.77 vite në jug dhe 80.74 vite në qendër. Veriu i vendit ka treguesin më të ulët, me një mesatare prej rreth 79.2 vite.

Në tërësi, jetëgjatësia mesatare e popullsisë në Shqipëri llogaritet rreth 80.5 vite, një vit më poshtë se mesatarja e Bashkimit Europian, që është 81.5 vite.

Në nivel europian, pandemia e COVID-19 shkaktoi një rënie të jetëgjatësisë gjatë viteve 2020 dhe 2021, duke e ulur atë në 80.4 vite dhe 80.1 vite përkatësisht. Megjithatë, vitet e fundit tregojnë një rikuperim, duke e çuar jetëgjatësinë mbi nivelin e vitit 2019, kur mesatarja ishte 81.3 vite.

Disa rajone europiane kanë arritur ose tejkaluar pragun e 85 viteve jetëgjatësi. Mes tyre janë rajoni i Madrid në Spanjë me 85.7 vite, rajonet italiane Trento dhe Bolzano, si dhe kryeqyteti suedez Stockholm, ku jetëgjatësia mesatare arrin rreth 85 vite.

“KORÇA BOOM”