Tronditet showbiz-i/ Policia ndalon emra të njohur në një aksion të mëngjesit

Një zhvillim i papritur ka tronditur mediat në Turqi, duke vendosur në qendër të vëmendjes disa nga figurat më të njohura të televizionit dhe muzikës.

Në orët e para të mëngjesit, autoritetet kanë zhvilluar një operacion të gjerë policor, i cili ka përfunduar me ndalimin e disa personazheve të famshëm, duke shkaktuar reagime të menjëhershme në opinionin publik dhe duke u kthyer në lajmin kryesor të ditës.

Sipas burimeve zyrtare, aksioni është pjesë e një hetimi të thelluar që po zhvillohet nga autoritetet, ndërsa të ndaluarit dyshohen për përfshirje në përdorimin e lëndëve të ndaluara.

Forcat e rendit kanë vepruar që në orët e para të ditës, duke shoqëruar të dyshuarit dhe duke nisur menjëherë procedurat hetimore.

Në listën e personave të ndaluar figurojnë nëntë emra të njohur të showbiz-it turk. Ndër ta spikat aktori İbrahim Çelikkol, i cili gëzon një popullaritet të madh edhe në Shqipëri falë roleve të tij në serialet turke.

Zhvillimi ka rritur interesin e publikut dhe pritet që në orët në vijim të dalin më shumë detaje lidhur me këtë operacion dhe akuzat ndaj personazheve të përfshirë.

“KORÇA BOOM”