Tronditje në Korçë, 65-vjeçari gjendet i pajetë në përrua

Një ngjarje e rëndë është regjistruar këtë të hënë në fshatin Qatrom, në qarkun e Korçë, ku një 65-vjeçar është gjetur pa shenja jete.

Sipas informacioneve paraprake, trupi i pajetë i të moshuarit është konstatuar në një përrua të thatë nga banorë të zonës, të cilët kanë njoftuar menjëherë autoritetet përkatëse.

Forcat e policisë dhe grupi hetimor kanë mbërritur në vendngjarje, duke kryer këqyrjen e parë të trupit. Sipas të dhënave paraprake, nuk janë konstatuar shenja dhune.

Dyshimet e para të ekspertëve janë se 65-vjeçari mund të ketë humbur jetën për shkaqe natyrale, ndërsa pritet ekspertiza mjeko-ligjore për të përcaktuar shkakun e saktë të vdekjes.

Autoritetet po vijojnë hetimet për të dokumentuar plotësisht rrethanat e ngjarjes.

“KORÇA BOOM”