Vërniku në flakë: Zjarret ende të pakontrolluara

Vazhdojnë të jenë aktive vatrat e zjarreve në fshatin Vërnik të bashkise se Devollit dhe Dishnicë të bashkisë së Korçës, vatra të cilat nga dita e djeshme kanë prekur sipërfaqe më të mëdha.

Terreni i thyer malor pengon hyrjen e mjeteve zjarrfikëse në këto zone ndaj e për këtë është e vështirë për trupat e shërbimit zjarrfikës, për të bërë të mundur izolimin e tyre.

Banorët e fshatit Vërnik kërkojnë ndërhyrje më intensive pasi kanë frikën se zjarri mund të vijë jo vetëm nga stanet por e qendrat e tyre të banimit.

Sipas nënkryetarit të bashkisë së Korçës, Kletjon Kita, I kontaktuar, zjarri në Dishnicë po përparon më në lartësi të vargmalit të Moravës.Sipas Kites, eshte bërë e mundur izolimi i 11 vatrave të zjarrit por për shkak të erës dhe temperaturave të larta krijohen vatra të tjera zjarri.

Nga zjarri për 48 ore me radhë janë djegur sipërfaqe të tëra me bimësi të ulët dhe kullota nga pika e kalimit kufitar të Kapshticës dhe deri në kryqëzimi i fshatit Kapshticë.

Në gjitha rastet dyshohet për zjarre të qëllimshme por deri tani policia nuk ka asnjë të ndaluar.

“KORÇA BOOM”