Atmosferë e zjarrtë para ‘Air Albania’. Kuqezinjtë përgatiten për Anglinë

Do të jetë një spektakël i vërtetë, jo vetëm në tribunat e stadiumit dhe në fushë, por edhe jashtë saj. Pak para ndeshjes së fundit kualifikuese të Botërorit ndaj Anglisë, tifozët shqiptarë kanë nisur të festojnë arritjen në play-off.

Në rrugët e kryeqytetit dominojnë ngjyrat kuqezi, ndërsa nuk mungojnë vallet dhe këngët patriotike. Tifozët kanë sjellë atmosferë festive, duke treguar mbështetjen e jashtëzakonshme për kombëtaren.

Lojtarët e Anglisë mbërritën në stadiumin “Air Albania”, ku u pritën me muzikë dhe atmosferë nga tifozët vendas, duke krijuar një përballje që shtrihet përtej fushës së lojës.

Si kurrë më parë në historinë e Shqipërisë, kuqezinjtë synojnë një rezultat pozitiv ndaj Anglisë për të thyer një tabu. Ndërkohë, tifozët do të vazhdojnë të mbështesin ekipin si gjatë gjithë rrugëtimit të kualifikimeve.

Shqipëri-Angli luhet sot në “Air Albania” dhe pritet të jetë një mbrëmje e paharrueshme për futbollin shqiptar.

"KORCA BOOM"