Dorëheqje në një nga institucionet më të rëndësishme shëndetësore

Drejtoresha e Spitalit Rajonal të Vlorës, Lorena Arapaj, ka paraqitur ditën e sotme dorëheqjen nga detyra e saj.

Ende nuk janë bërë të ditura arsyet që kanë çuar në këtë vendim të papritur, ndërsa pritet që në vijim të ketë më shumë informacion mbi zhvillimet dhe rrethanat që lidhen me largimin e saj.

Dorëheqja vjen në një moment kur Spitali Rajonal i Vlorës mbetet një nga institucionet më të rëndësishme shëndetësore në qark, me një numër të lartë pacientësh dhe ngarkesë të vazhdueshme në shërbime.

Autoritetet pritet të bëjnë të ditur së shpejti se kush do të marrë drejtimin e institucionit pas këtij ndryshimi në krye të tij.

“KORÇA BOOM”