E vetmja e mbijetuar nga zjarri në Maliq: Ja si është gjendja e 6-vjeçares

Si pasojë e asfiksisë nga tymi, kanë ndërruar jetë në vendngjarje Merjeme Hazisllari, 38 vjeçe, dhe djali i saj 14-vjeçar. Vajza e vogël e familjes, vetëm 6 vjeçe, ndodhet në gjendje të rëndë shëndetësore dhe po trajtohet nën kujdesin e mjekëve në spital.

Sipas të dhënave paraprake, flakët kanë nisur në një nga dhomat e banesës dhe janë përhapur me shpejtësi, duke shkatërruar gjithçka përreth. Pamjet nga brenda shtëpisë tregojnë dëme të konsiderueshme materiale.

Në vendngjarje ndodhen forcat e policisë, zjarrfikësit dhe strukturat e emergjencës civile, të cilët po punojnë për të zbardhur shkaqet e zjarrit.

“KORÇA BOOM”