Gëzuar ditëlindjen Prof. Dr. Tatjana Dishnica!

Agronome, studiuese, pedagoge dhe autore e një sërë botimesh shkencore, Prof. Tatjana Dishnica ka një karrierë të gjatë në kërkimin shkencor dhe drejtimin institucional.

Me një kontribut të rëndësishëm në zhvillimin e bujqësisë shqiptare, ajo vijon të jetë aktive në jetën akademike dhe shkencore.

Libri i saj më i fundit, “Memorje Shqiptare – Një shekull kërkime dhe institucione bujqësore”, përbën një botim me vlerë për dokumentimin e historisë së kërkimit shkencor dhe institucioneve bujqësore shqiptare, duke përcjellë një përvojë të çmuar për studiuesit dhe brezat e ardhshëm.

Bijë e patriotit Ymer Dishnica, Prof. Tatjana Dishnica përfaqëson një figurë të spikatur të shkencës dhe arsimit shqiptar.

I urojmë shëndet dhe suksese të mëtejshme në veprimtarinë e saj!

“KORÇA BOOM”