Një 81-vjeçar humbet jetën në rrethana të rënda pas një aksidenti me biçikletë pranë një kanali uji

Një ngjarje tragjike është shënuar në fshatin Kafaraj të Fierit, ku një i moshuar ka humbur jetën pasi ra në një kanal gjatë kohës që po udhëtonte me biçikletë.

Sipas të dhënave zyrtare nga policia, viktima është shtetasi F. T., 81 vjeç, i cili dyshohet se ka humbur kontrollin e biçikletës dhe për pasojë ka rënë në kanal, duke ndërruar jetë.

“Specialistët për Hetimin e Krimeve të Komisariatit të Policisë Fier referuan materialet në Prokurori për vlerësim, pasi ditën e djeshme, në fshatin Kafaraj, shtetasi F. T., 81 vjeç, dyshohet se, duke drejtuar biçikletën, ka rënë në një kanal dhe për pasojë ka humbur jetën”, njofton zyrtarisht policia.

Ngjarja ka tronditur komunitetin lokal, ndërsa autoritetet po vijojnë hetimet për të zbardhur rrethanat e plota të saj.

“KORÇA BOOM”