Në sallën multimediale të gjimnazit "Themistokli Gërmenji", u mbajt takimi i parë i projektit mbi gjuhën dhe kulturën italiane

Dje, në sallën multimediale të gjimnazit "Themistokli Gërmenji", u mbajt takimi i parë i projektit mbi gjuhën dhe kulturën italiane: "Italofonia: gjuha dhe kultura-fjala e modës".

Një bashkëpunim ky me institutin Ceconi të Udines në Itali, të realizuar falë këmbënguljes së koordinatores së seksionit dygjuhësh shqiptaro- italiane profesore Maria Rosaria Mormone dhe bashkëpunimit të mësueses shqiptare të gjuhës dhe letërsisë italiane Milda Papa.

Në takim pas prezantimit filmik të shkollave, fjalës përshëndetëse të drejtuesve përkatës, nxënësit shqiptarë dhe italianë u prezantuan dhe vendosën ura komunikimi midis tyre duke i hapur kështu rrugën një binjakëzimi të mundshëm.

Shumë larg, por dhe shumë afër, të ndryshëm, por të ngjashëm, të etur për dije nxënësit do të vazhdojnë realizimin e projektit në takimet e radhës.

Takimi i dytë do të mbahet në datë 15 tetor 2025.

Urime nxënësve për prezantimin dinjitoz që i bënë seksionit dygjuhësh dhe gjimnazit !

Faleminderit mësueseve!

“KORÇA BOOM”