Sh*rri në Korçë/ Lihet në burg 54 vjeçari, “detyrim paraqitje” për të akuzuarit e tjerë

Përfundon seanca për masën e sigurisë për 9 nga 10 të arrestuarit për sherrin masiv të ndodhur tre ditë më parë në një lokal në Korçë, ku mbetën të plagosur tre persona.

Prokuroria kërkoi masën e sigurisë “arrest me burg” për 54 vjeçarin Dritan Pino, kërkesë e cila u pranua dhe nga gjykata duke e lënë në burg këtë të fundit.

Për të arrestuarit e tjerë, konkretisht Petrika Ropi, Ilir Shukulli, Salvi Asllan, Mihal Zhidro, Serxho Mema, Gersi Dervishi dhe Kristi Lamçe, prokuroria kërkoi masën “detyrim paraqitje”, e cila po ashtu u pranua nga gjykata.

Për të arrestuarin Sotiraq Shkurti, njëkohësisht i plagosur, masa do të zhvillohet në ambientet e spitalit rajonal të Korçës pasi ai ndodhet ende në kujdesin e mjekëve./ Oranews

“KORÇA BOOM”