Shi në orët e paradites, më pas mot i kthjellët/ Ja parashikimi i motit për sot, e martë, 4 nëntor 2025!

Ditën e martë, vendi ynë do të ndikohet nga kushte atmosferike të paqëndrueshme.

Moti parashikohet të jetë me vranësira, të cilat gradualisht pas mesdite do të vijnë në pakësim. Në orët e mbrëmjes, mot kryesisht i kthjellët e vranësira të pakta vetëm në zonat malore.

Reshjet e shiut me intensitet të ulët, pritet të jenë prezente që në orët e para të mëngjesit në pjesën më të madhe të vendit. Gradualisht reshjet e shiut do të humbasin territor, dhe në orët e pasdites do të jenë prezente vetëm në zonat malore deri në orët e mbrëmjes. Më pas do të ketë ndërprerje të tyre.

Era do të fryjë me drejtim verilindje – veriperëndim, me shpejtësi mesatare 7m/s, ndërsa përgjatë zonave luginore dhe vijës bregdetare, era pritet të arrijë me shpejtësi deri në 12m/s.

Valëzimi i detit pritet të jetë i forcës 2-4 ballë.

“KORÇA BOOM”