Shtatë orë e bllokuar pas rrëshqitjes së dherave dhe gurëve, zhbllokohet aksi Librazhd-Prrenjas

Segmenti i rrugës kombëtare Librazhd–Prrenjas është rihapur pas rreth shtatë orëve, pasi një masiv shkëmbor u shkëput nga shpati i kodrës dhe mbuloi trasesë me qindra metra kub gurë dhe dhe.

Ngjarja ndodhi në një zonë ku vijojnë punimet për ndërtimin e një segmenti të ri rrugor, pjesë e projektit të Koridorit VIII, ku aktualisht operon kompania “ANK” sh.p.k.

Pas ndërhyrjes për pastrimin e materialit të rrëshqitur, rruga u hap për qarkullim, duke rikthyer lëvizjen në këtë aks të rëndësishëm që lidh Librazhdin me Prrenjasin.

Autoritetet rrugore paralajmërojnë drejtuesit e mjeteve të tregojnë kujdes të shtuar gjatë kalimit në zonë, të respektojnë sinjalistikën dhe paralajmërimet, veçanërisht në segmentet ku vijojnë punimet.

“KORÇA BOOM”