Tragjedi në dasmë: 23-vjeçari humb jetën nga të shtënat me armë

Një ngjarje tragjike ka tronditur një fshat të provincës veriore Giresun në Turqi, ku një i ri 23-vjeçar humbi jetën si pasojë e të shtënave me armë zjarri gjatë ceremonisë së dasmës së tij. Ngjarja ndodhi vetëm një ditë pas festës, kur i riu ndërroi jetë nga plagët e marra.

Sipas informacioneve nga mediat vendase, arma u shkrep pa qëllim nga një e afërme e dhëndrit, e cila është arrestuar nga autoritetet. Ceremonia festive u kthye në një skenë tragjike, duke sjellë dhimbje dhe tronditje për familjarët dhe komunitetin lokal.

Ky nuk është një rast i izoluar. Sipas një organizate turke për kontrollin e armëve, në vend qarkullojnë mbi 40 milionë armë zjarri, shumica e tyre pa leje. Fenomeni i të shtënave gjatë festimeve, veçanërisht në dasma, është kthyer në një shqetësim serioz për sigurinë publike.

Vetëm pak ditë më parë, një tjetër incident i ngjashëm ndodhi në provincën Trabzon, ku një person u vra dhe dy të tjerë u plagosën gjatë një tjetër dasme.

Autoritetet kanë bërë thirrje të përsëritura për ndërgjegjësim dhe ndalimin e përdorimit të armëve në ngjarje festive, por duket se ky zakon i rrezikshëm vijon të marrë jetë të pafajshme.

“KORÇA BOOM”