U shtirën si punonjës të energjisë, hajdutët i vjedhin bizhuteri me vlerë mbi 500 mijë euro 70-vjeçares në Selanik

Një rast i rëndë mashtrimi ka ndodhur në Selanik, ku një grua 70-vjeçare ra pre e personave që u shtirën si punonjës të kompanisë së shpërndarjes së energjisë elektrike, duke i grabitur para dhe bizhuteri me vlerë që arrin deri në gjysmë milioni euro.

Ngjarja u denoncua nga viktima në Stacionin e Policisë Pylaia–Chortiatis, ku ajo deklaroi se të panjohur e kontaktuan dhe u paraqitën si punonjës të DEDDIE (operatori i rrjetit të energjisë). Ata e bindën se, për arsye sigurie, duhej të linte jashtë derës së shtëpisë sende me vlerë.

Sipas dëshmisë së saj, gruaja la 450 paund sterlina ari, që përbënin një rezervë me vlerë të lartë, si dhe bizhuteri me vlerë mbi 100 mijë euro. Autorët morën plaçkën dhe u larguan pa lënë gjurmë.

Pas hetimeve, Policia Helenike arriti të arrestojë dy persona të dyshuar. Oficerë nga Departamenti i Hetimit dhe Ndjekjes Penale të Krimeve Pylaia–Hortiatis, me ndihmën e njësisë speciale OPKE, vunë në pranga një çift 40-vjeçar dhe një person 36-vjeçar.

Ndërkohë, një 25-vjeçar është identifikuar dhe është shpallur në kërkim.

Të tre të dyshuarit janë me origjinë rome, sipas burimeve policore.

Hetimet vijojnë si për lokalizimin dhe arrestimin e personit të katërt, ashtu edhe për gjetjen e sendeve të vjedhura, të cilat deri më tani nuk janë rikuperuar./ Pamfleti

“KORÇA BOOM”