Babai në burg, nëna përballet me tragjedinë më të madhe, motra gjendet e pajetë

Një histori e mbushur me dhimbje dhe sakrifica është rrëfyer në rubrikën “Ka Një Mesazh Për Ty”, ku Esmeralda ndau kalvarin e familjes së saj dhe sfidat e rënda me të cilat janë përballur ndër vite.

Ajo tregoi se vështirësitë nisën herët për familjen, kur vëllai i saj i madh u diagnostikua me astmë, një sëmundje që solli jo vetëm shqetësim për shëndetin e tij, por edhe vështirësi të mëdha ekonomike.

Në përpjekje për të përballuar shpenzimet e kurimit, familja u gjend pranë shitjes së shtëpisë. Megjithatë, falë ndihmës së një personi që i mbështeti financiarisht, ata arritën të shmangnin humbjen e banesës.

Sikur kjo të mos mjaftonte, familja u përball me një tjetër goditje të fortë. Babai i Esmeraldës, i cili punonte në Greqi, u arrestua dhe u dënua me gjashtë muaj burg, pasi rezultonte pa dokumentacion të rregullt.

Gjatë kohës që kryefamiljari vuante dënimin, nëna e Esmeraldës u përball e vetme me një tragjedi edhe më të rëndë.

Motra e saj ishte zhdukur dhe familja kishte nisur kërkimet me shpresën se do ta gjenin shëndoshë e mirë. Por pas një muaji kërkimesh, erdhi lajmi më i rëndë.

Esmeralda rrëfeu se nëna e saj u thirr për të identifikuar trupin e pajetë të motrës. Fatkeqësisht, dyshimet u konfirmuan: tezja e saj ishte gjetur e vrarë dhe e mbytur në lumë.

Kjo ngjarje la një plagë të thellë në familje, ndërsa vdekja e saj mbetet edhe sot një mister i pazbardhur, duke lënë pas dhimbje dhe shumë pikëpyetje.

“KORÇA BOOM”