Një emër i njohur i artit shqiptar shuhet në moshën 82-vjeçare

Ndarja nga jeta e aktorit të njohur Fitim Makashi ka prekur thellë familjarët, miqtë dhe artdashësit, duke lënë pas një dhimbje të madhe.

I biri, këngëtari i njohur Redon Makashi, ka ndarë sot dhimbjen e tij përmes një mesazhi prekës në rrjetet sociale, ku ka bërë me dije edhe detajet e ceremonisë mortore dhe homazheve në nderim të të atit.

Ai njofton se aktori Fitim Makashi është ndarë nga jeta në moshën 82-vjeçare. Homazhet do të mbahen ditën e nesërme, më 1 shkurt, pranë Art Turbina në Tiranë, nga ora 11:00 deri në 13:00. Më pas, ceremonia e varrimit do të zhvillohet në Varrezat e Sharrës, në kryeqytet.

“Me dhimbje të thellë njoftoj ndarjen nga jeta të babait tim, artistit Fitim Makashi.

Homazhet në nderim të tij do të mbahen nga ora 11:00–13:00, pranë Art Turbina.

Ceremonia e varrimit do të zhvillohet në Varrezat e Sharrës në Tiranë. Faleminderit të gjithëve për mbështetjen dhe ngushëllimet. U prehtë në paqe!”, shkruan Redon Makashi.

"KORCA BOOM"