Ushtronte dhunë ndaj bashkëshortes ja çfarë ndodhi

A. S., 56 vjeç, banues në Korçë, është proceduar nga policia pasi dyshohet se ka ushtruar dhunë fizike dhe psikologjike ndaj bashkëshortes së tij. Ngjarja ka ndodhur në banesën e çiftit, ku pas një konflikti të çastit, burri dyshohet se ka reaguar në mënyrë të dhunshme ndaj gruas.

Pas denoncimit të bërë nga viktima, autoritetet kanë ndërhyrë menjëherë dhe kanë nisur hetimet për rastin. Bashkëshortja është pajisur me urdhër mbrojtjeje, ndërsa ndaj shtetasit A. S. po vijojnë procedurat përkatëse ligjore.

Policia bën me dije se raste të tilla do të trajtohen me seriozitet maksimal dhe u bën thirrje qytetarëve të raportojnë çdo formë dhune në familje përmes numrit 112 apo aplikacionit “Komisariati Dixhital”.

“KORÇA BOOM”